Jennylyn, problemado kay Patrick!

---

Ruel Mendoza reports on Jennylyn and Patrick

GAANO katotoo ang balitang nasagap namin na takbuhan ni Jennylyn Mercado si Jake Cuenca tuwing nagkakaproblema raw sila ni Patrick Garcia? Ayon sa aming source, si Jake ang tinatawagan ni Jennylyn at hinihingan ng sama ng loob dahil minsan daw ay hindi siya masaya sa lihim na relasyon nila ni Patrick.

Minsan daw ay dumadalaw pa si Jennylyn sa condo unit ni Jake para lang makipagkuwentuhan sa binata.

Sure ang aming source dahil ilang beses daw niyang nakita ang sasakyan ni Jennylyn na naka-park sa lote ng condo building kung saan may unit si Jake.

Pero ang tanong ay ano ba ang naging relasyon nina Jennylyn at Jake? Naging sila ba noon? Bakit si Jake ang tinatawagan ni Jennylyn? Wala ba itong mga kaibigang babae para doon siya maglabas ng mga sama ng loob niya?

At may relasyon ba talaga sina Jennylyn at Patrick? Ilang beses nila itong idini-deny pero bakit naman daw hindi masaya si Jennylyn kay Patrick?

At least, itong nasagap naming tsismis ay naiiba sa sex video issue nila ni Mark Herras na paulit-ulit na nasusulat. Sa true lang naman, hindi makakatulong ang sex video issue sa pelikula nilang Super Noypi na pambata pa naman.

As if naman makakatulong din ang pagkakaugnay ulit ni Jennylyn kay Jake at ang pagiging hindi niya masaya sa relasyon nila ni Patrick.